Posts tagged “ღმერთი

ზემოდან ვიღაც მაგრად გვეკაიფება

ეს ფიქრი დიდი ხანია მაწუხებს.

წარმოიდგინეთ, რა სასაცილოა ზემოდან 6 მილიარდზე მეტ ჰუმანოიდზე დაკვირვება: მათი ყოველდღიური უაზრო პრობლემების, უაზრობისთვის ცხოვრებისა და უაზრობისთვისვე სიკვდილის დანახვა.

სასაცილო არ იქნება ჩვენივე გამოგონილი ღირებულებების, სულელური მორალების და წესების, მათ გამო მომხდარი იდევ უფრო უაზრო ომებისა და ტანჯვა-წამების ყურება?

ჭიანჭველებით ვფუსფუსებთ ყოველდღე ერთ ეზოში და რა ხდება იმის იქით, აზრზე არ ვართ.

წარმოიდგინეთ, რომ იქ, ზემოთ, ერთ-ერთმა მათგანს გართობა უნდება და უცნაურ ნივთს, ან სულაც, უცნაურ მოვლენას გვიგდებს. მერე კი დგას და უყურებს, როგორ ვცდილობთ საუკუნეების განმავლობაში ამ “რაღაცის” წარმოშობის და არსებობის მიზეზების დადგენას.

ან იქნებ სხვებიც მასთან ერთად დგანან და სანაძლეოებს დებენ, ვინ უფრო ადრე მოახერხებს საიდუმლოს “ამოხსნას” და ადამიანუკებისთვის დამაჯერებელი ახსნის მოფიქრებას (“ვირთხების რბოლასავით”).

კარგი იუმორის გრძნობა აქვთ იქ, ზემოთ…